Gjithandej! Të shijon një gotë verë edhe buzë rrugës pranë kanaleve të famshme të Amsterdamit, është një pamje e rrallë. Kur është diell dhe pak ngrohtë, të rinjtë ulen nëpër këto bordura dhe kalojnë disa momente në harmoni me njëri-tjetrin. Është si nëpër filma, i gëzohen momentit. Por mund të shkosh dhe nëpër rrugicat e ngushta të Hagës, në qendrën e Utrecht-it apo portin e vjetër të Roterdamit (oude haven) ngjitur me shtëpitë kubike, dhe do të marrësh të njëjtën kënaqësi. Ajo që më pëlqen më shumë nga Holanda është se jeta bëhet njëlloj, si në kryeqytet ashtu edhe në të gjitha qytet e tjetra, kudo gjen diçka interesante për të bërë. Madje, ndryshe nga Amsterdami, një kryeqytet i zhurmshëm, ku nata dhe dita nuk njohin ndarje, në pjesët e tjera është më qetësi. Ndoshta jo më kot mbretëresha dikur dhe mbreti i tanishëm kanë zgjedhur për të jetuar në Wassenaar, pranë Hagës. Këtu vlen shprehja e famshme: “Pranë detit, pranë mbretit!”
Shkëputur nga intervista ime dhënë revistës 'Madame Mapo'.
http://www.madamemapo.al/teuta-metra-roterdami-i-dashurise/
No comments:
Post a Comment